Басты бет / Оқушылар бөлімі / Іс-шаралар қорытындысы

"Туған елің Қазақстанды жақсы білесің бе?" байқауының қалалық кезеңінің қорытындысы

"Рухани жаңғыру" бағдарламасын ұлттық жаңғырту кезеңіне көшіру бойынша Жол картасын іске асыру аясында "Туған елің - Қазақстанды жақсы білесің бе?" республикалық балалар байқауының қалалық кезеңі 10 қараша күні "Алматы дарыны" дарынды балалар мен талантты жастарды анықтау және қолдау жөніндегі орталығының ұйымдастыруымен қазақ, орыс тілдерінде 5-7 сынып оқушылары арасында, онлайн форматта өткізілді.

Өскелең ұрпақты өз елінің тарихын, мәдениетін, салт-дәстүрлерін, тарихи тұлғалары мен тарихи ескерткіштерін құрметтеуге үйрету, жасөспірімдердің бойында патриоттық сезімді ояту мақсатында ұйымдастырылған байқауда аудандық кезеңнен топ жарған 80 қатысушы бақ сынады.

Жеңімпаз атанған 5 бала аймақтық кезеңде команда болып бақ сынасатын болады.
Команда мүшелеріне сәттілік тілейміз!