2-3 ақпанда Digital Almaty 2023 мерейтойлық халықаралық форумы өтті! Бесінші Digital-форумға Қазақстан, Ресей, Грузия, Беларусь, Оңтүстік Корея және әлемнің өзге де 20 елінеен 20 мыңнан астам қатысушылар мен қонақтар келді. Өзекті тақырыптар – инновациялық технологиялар саласын дамыту, саланы цифрландыруға, автоматтандыруға, роботтандыруға көшу және Еуразия кеңістігінде жоғары технологиялық өндірістерді дамыту. Форумның ашылу салтанатына премьер-министр Әлихан Смайылов, Алматы қаласының әкімі Ерболат Досаев және Цифрлық даму министрлігінің басшысы Бағдат Мусин қатысты. Министрлер кабинетінің басшысы Алматыны қазақстандық ІТ-индустриясының астанасы екендігін және жоғары технологиялық компаниялардың көпшілігі осында орналасқанын атап өтті.

2023 жылдың 1 ақпанында «Алматы дарыны» орталығының директоры Г.Н. Каримгажы Haileybury Almaty директоры Саймон Миллспен кездесу өтті. Кездесу барысында екі ұйым өкілдері жалпы білім беретін пәндер бойынша республикалық және халықаралық олимпиадалар мен ғылыми жобалар конкурстары (ғылыми жарыстар) жеңімпаздарын қолдау бойынша ынтымақтастық бағыттарын талқылады.

2023 жылдың 30 қаңтарынан бастап республика бойынша бір уақытта жалпы білім беретін пәндер бойынша 9-11 сынып оқушыларына арналған Республикалық олимпиаданың аудандық кезеңі бастау алды.

Халықаралық Жәутіков олимпиадасының іріктеу кезеңіне қатысатын окушылардың тізімі

Алматы қаласы Білім басқармасының «Алматы дарыны» дарынды балалар мен талантты жастарды анықтау және қолдау жөніндегі орталығы оқу орындарының, үйірмелердің, клубтардың және жеке тұлғалардың командаларын және олардың ұстаздарын «Robotek Grand Tournament» чемпионатының қалалық іріктеу турына қатысуға шақырады. Олар робототехниканы зерттеу үшін кез келген робототехникалық платформаны пайдаланады (әртүрлі жиынтықтардың бөлшектерін біріктіруге рұқсат етіледі, сондай-ақ қолдан жасалған роботтар).