Конкурстың мақсаты – дарынды психологтарды анықтау және қолдау, олардың одан әрі кәсіби және шығармашылық өсуіне ықпал ету, сондай-ақ білім беру ұйымдарындағы психологтардың озық тәжірибелерін насихаттау және тарату.

2024 жылдың 5 наурыз күнінде N°178 мамандандырылған лицейінің базасында 5-6 сынып оқушыларына арналған Республикалық олимпиаданың қалалық кезеңі өтті. Қалалық кезеңде әр ауданнан іріктелген 227 оқушы бақ сынасып, өз білімдерін көрсетті.

2024 жылдың 28 ақпан күні «Алматы дарыны» орталығы С.А.Қожықов атындағы №39 мамандандырылған лицейдің базасында 2-4 сынып оқушыларына арналған «Бастау» XVII республикалық математикалық олимпиадасының қалалық кезеңін өткізді. Олимпиаданың қалалық кезеңіне білім беру мекемелерінің 2-4 сынып оқушылары арасынан 17 команда, барлығы 51 оқушы қатысты.  Қалалық кезең II турда өткізілді, «Асық» және «Бәйге».

2024 жылдың 28 ақпанында 2-4 сынып оқушыларына арналған «Бастау» XVII Республикалық математикалық олимпиадасының қалалық кезеңі өтетінін хабарлаймыз! Математикалық қабілеті айқын білінген дарынды бастауыш сынып оқышыларын дамыту және қолдау көрсету – олимпиаданың басты мақсаты.

2024 жылдың 22 ақпан күні «Алматы дарыны» дарынды балалар мен талантты жастарды анықтау және қолдау жөніндегі орталығы жалпы орта білім беру ұйымдарының 7-11 сынып оқушылары арасында «М. Мақатаев оқулары» байқауының қалалық кезеңін өткізді.

Байқаудың мақсаты – оқушылар арасында Мұқағали Мақатаевтың шығармаларын насихаттау; жалпы білім беретін оқу орындарының оқушыларының шығармашылық қабілеттерін, эстетикалық талғамдарын, тума талант, табиғи дарындарын анықтау;. оқушылардың поэзияға деген құштарлығын арттыру, өлең сөзінің құдіреті мен қуатын жанымен сезініп, жүрегімен түсіне білуге үйрету. Өз ой-пікірлерін ғылыми тұрғыда жеткізе білуін дамыту; жас ақындарға әлеуметтік-рухани қолдау көрсетіп, олармен шығармашылық жұмыс түрлерін жандандыру. Жас буынның тарихи танымдарын, демократияға және азаматтыққа бағдарланған дүниетанымдары мен сана-сезімдерін, өмірге көзқарасын қалыптастыру.

Жалпы білім беретін пәндер бойынша 7-8 сынып оқушыларына арналған республикалық олимпиаданың аудандық кезеңі

2024 жылдың 31 қаңтар күні жалпы орта білім беру ұйымдарының педагог-психологтары арасында  «Үздік жыл психологы» республикалық конкурсының қалалық кезеңі өткізілді.

Алматы қаласы Білім басқармасының «Алматы дарыны» орталығының ұйымдастыруымен 2024 жылғы 30 қаңтар күні «Жарқын жүздесу» жобасы аясында Түрксіб ауданы, №76 жалпы білім беретін мектебінің Мәжіліс залында «100 жаңа есім» жобасының жеңімпазы, Алматы қаласы маслихатының депутаты, қоғам қайраткері Серік Аманжолұлы Есматовпен кездесу өтті.