2025 жылғы 9-11 сәуір аралығында Астана қаласында «Ғылымдағы балалар» жобасы аясында оқушыларға арналған ІІІ Халықаралық ғылыми форум өткізілді.

Ұйымдастырушы - Астана қаласы Білім басқармасының дарынды балалар мен талантты жастарды анықтау және қолдау орталығы және Халықаралық ғылыми ынтымақтастық орталығы (ICSC).

Ғылыми форум «Жұмысшы мамандықтары жылы» аясында және Қазақстанның ғылым қызметкерлері күнін, Халықаралық зияткерлік меншік күнін мерекелеуге және Ғылыми-зерттеу негізіндегі ғылыми білім беруді енгізу (IBSE) туралы Астана декларациясына қол қойылғанына 10 жыл толуына арналған.

Оқушылар халықаралық дәрежедегі ғылыми жоба авторларының, Қытай, Пәкістан, Малайзия және Оңтүстік Кореяның шетел университеттері профессорларының, беделді шетелдік және ұлттық университеттердің студенттерінің, серіктес елдердің мектеп оқушылары мен мұғалімдерінің лекциялары мен семинар-тренингтеріне қатысты.
Алматы қаласынан қатысқан оқушылар Форумда спикер ретінде сөз сөйлеп, өздерінің ғылыми жобаларымен таныстырды.
Сондай-ақ, мектеп оқушыларының қатысуымен Nazarbayev University, Coventry University және Astana Hub орталығына ғылыми тур ұйымдастырылды. Тур барысында оқушыларға зертханалар көрсетіліп, мастер-класстар жүргізілді.
Аталған форум жас ғалымдарға жаңа талпыныс сыйлады деген сенімдеміз!