Бүгін Алматы қаласының өңірлік коммуникациялар қызметінде "Qabilet қызметі" 10-11 жастағы балалардың қабілеттерін анықтаудың ұлттық жүйесін іске қосу туралы брифинг өтті.
Жобаны Нұрсұлтан Назарбаев Қоры Елбасының "Ел Үміті" бастамасы аясында, "Елбасы академиясы" корпоративтік қоры Қазақстан Республикасы Білім және ғылым министрлігінің қолдауымен жүзеге асыруда. 
Жобаның мақсаты-оқушылардың қабілеттері мен кәсіби бағдарлануын диагностикалаудың ұлттық жүйесін құру, сондай-ақ дарынды балалар мен дарынды жастарды, олардың зияткерлік және жеке әлеуетін іске асыру үшін сүйемелдеу және қолдау қызметін ұйымдастыру.
Қызмет ақысыз негізде ұсынылады және әр оқушыға қол жетімді болады. Тестілеуден өткеннен кейін бала мамандық таңдауға көмектесетін маманның кәсіби кеңесін ала алады. 
Диагностика мен қабілеттерді анықтау Алматы қаласы білім басқармасының "Алматы Дарыны" өңірлік орталығының базасында және Елбасы академиясының Qabilet qabilet.elbasyacademy.kz онлайн платформасында жүзеге асырылады.
Біздің аймақтың барлық білім беру ұйымдарының басшылары мен ата-аналарына осы қызықты жобаға назар аударуды, ол туралы оқушылар мен балаларға міндетті түрде айтуды ұсынамыз.