Алматы қаласы Білім басқармасының «Алматы дарыны» дарынды балалар мен талантты жастарды анықтау және қолдау орталығы 2023 жылдың 11-12 желтоқсанында Алматы қаласы әкімінің кубогы үшін Алматы «ALMATY TECHCUP-2023» робототехника және FIRST халықаралық бағдарламасы және инновациялық технологиялар негізінде IX ашық чемпионат өткізетінін хабарлайды. Жалпы білім беру, қосымша білім беру, мамандандырылған білім беру ұйымдары оқушыларын, колледж және ЖОО студенттерін чемпионатқа қатысуға шақырамыз.

Чемпионат келесі бағыттар бойынша өткізіледі:
FIRST LEGO League Explore (6-10 жас аралығы);
FIRST LEGO League Challenge (10-16 жас аралығы);
FIRST TECH Challenge (12-18 жас аралығы);
Drone Racing.

Сонымен қатар чемпионат аясында шеберлік сабақтары мен семинарлар өткізіледі.
Чемпионат туралы толық ақпаратты (ереже, жұмыс тәртібі, ұйымдастырушылардың байланыс телефондары және т. б.) чемпионаттың http://techcup.kz ресми сайтынан алуға болады.